అంటుకట్టుట

మొక్కగా ఉన్నప్పుడు మొదలు వద్దనే మొక్క పై భాగాన్ని అదే జాతికి చెందిన మరో ఉత్తమ రకం లేదా మనకు కావలసిన మొక్కతో మార్పు చేయడాన్ని అంటుకట్టుట అంటారు. కాని మొక్క చెట్టుగా ఎదిగిన తరువాత మొదలు వద్ద మరొక ఉత్తమ రకంతో అంటుకట్టుట సాధ్యం కాని పని లేదా కష్టం. అందువలన చెట్టు యొక్క చిన్న కొమ్మలపై అంటుకట్టుట ద్వారా పై కొమ్మలను మార్చడం వలన ఉత్తమ ఫలాలను అందుకునే ఈ విధానాన్ని తలమార్పిడి అంటారు. ఈ విధానం ద్వారా ఒకే చెట్టు నుండి అదే జాతికి చెందిన అనేక రకాల ఫలాలను పొందవచ్చు. ఉదాహరణకు నాటుమామిడి చెట్టుకు ఒక కొమ్మకు బంగినపల్లి మామిడి కొమ్మను అంటుకట్టుట ద్వారా బంగినపల్లి మామిడి కాయలను అలాగే ఇదే నాటుమామిడి చెట్టు మరొక కొమ్మకు రసాల మామిడి కొమ్మను ఆంటుకట్టుట ద్వారా రసాల మామిడి కాయలను పొందవచ్చు. ఈ విధంగా ఒక రకానికి చెందిన మామిడి చెట్టు నుండి అనేక రకాల మామిడి కాయలను పండించవచ్చు.

మొక్కలనే నోము ఇవ్వండి (మనఊరు-మనచెట్టు)

ముఖపుస్తక మిత్రులకి  మరియు మా బ్లాగుని ఆదరిస్తున్న ప్రతిఒక్కరికి సంక్రాంతి శుభాకాంక్షలు.

మన లో చాలా మంది ఇళ్లలో సంక్రాంతి అనగానే పిండి వంటలు మరియు కొత్తగా పెళ్లి అయినవారి చేత మన హిందూ ధర్మం లో భాగంగా సంక్రాంతి నోములు పట్టిస్తుంటారు. ఈ నోములో భాగంగా పసుపు, కుంకుమ , మొదలగు సుమంగళి వస్తువులు తోపాటు ఏవైనా విభిన్న వస్తువులు/ బొమ్మలు/తీపిపదార్థం తో చేసిన బొమ్మలు (ఆకృతులు ) / నూతన వధువుతో ముతైదువులకి ఇప్పిస్తారు.

అయితే మనం సంక్రాంతి అనగానే ప్రకృతి తో అనుసంధానించుకొని చేసుకొనే పండుగ కనుక నోములలో భాగంగా వస్తువులు / బొమ్మలు / కాకుండా <<5... 11...... 21..... 41...>> చొప్పున మీ శక్తి ని అనుసరించి మొక్కలనే నోములో భాగంగా నొమించి ముతైదువులకి నోమివ్వడం వలన మనం ప్రకృతికి ఎంతో మేలు చేసినవారిమీ అవుతామని న ఉదేశ్యం. ఎందుకంటే మానవుడి మనుగడకి ప్రకృతి తల్లి వంటిది కదా... నచ్చితే పాటించండి. లేదా కనీసం ఒక మొక్కైనా నాటండి నాటి మొక్కని #manaurumanachettu కి హాష్ టాగ్ చేయండి.
వృక్షో రక్షతి రక్షితః

* అలాగే మీరు ఈ సరి దేనిని నోముగా ఇస్తున్నారు. కామెంట్ లో రాయండి. 

మొక్కలు సజీవసమాధులు అవుతున్నాయి.

మిషన్ భగీరథ పనుల్లో కొంత అలసత్వం వహించడం వల్ల  హరిత హరం లో  మనం నాటిన మొక్కలు అంతరించుకు పోతున్నాయి.

సరిగ్గా హరితహారం లో నాటిన మొక్కలకి దగ్గరగా మిషన్ భగీరథ పనులు జరుగుతూ ఉండటం వల్ల పూడికలు తీసిన మట్టిని మొక్కల పై వేయడం వల్ల మొక్కలు సజీవసమాధులు అవుతున్నాయి. కనుక మనం మొక్కలను ఎంత శ్రద్ధతో నాటామో  అంతే శ్రద్ధతో కాపాడవలసిన భాద్యత కూడా మనపై ఉంది.

           ప్రభుత్వం దీనిపై దృష్టి సారిస్తే బాగుంటుంది.

•  నేను మిషన్ భగీరథ కు వ్యతిరేకిని కాదు. 
• ప్రభుత్వ వ్యతిరేకిని  అస్సలు కాదు. 
• నేను ఎంచుకున్న ప్రభుత్వానికి వీరాభిమానిని. 

కుండీలలో మొక్కలు పెంచడం ఎలా!?

కుండీలలో మొక్కలు పెంచటం నేడు ప్రతి ఇంట్లో కనిపిస్తుంది. కుండీలలోని మొక్కలకు ఏ మోస్తరు నీరు పోయాలనేది అప్పుడప్పుడు సమస్యగా ఎదురవుతుంది కొందరికి. నీరు తక్కువైతే మొక్క ఎండి పోతుంది. నీరు ఎక్కువైతే కుళ్ళిపోతుంది. అయితే విషయం ఆలస్యంగా బయట పడుతుంది. అప్పటికి మొక్కను తిరిగి బతికించే అవకాశముండదు. అలాంటప్పుడు ఏం చేయాలి....

* మొక్కకు ఏ మాత్రం నీరు పోయాలి అనేది ఆ మొక్కను మీరు ఎక్కడ ఉంచుతారనే దాని మీద ఆధారపడి ఉంటుంది.

* వేడి అధికంగా ఉండే గదిలో పెట్టే మొక్కకు ప్రతి రోజూ కొద్దిగా నీరు పోయాలి. ఆరు బయట కాక పోర్టికోలో వుండే మొక్కలకు రెండు రోజులకు ఒకసారి పోస్తే చాలు.

* కుండీని చేతితో ఎత్తి చూడడం ద్వారా లోపల నీరు ఉన్నదీ లేనిదీ చెప్పవచ్చు.

* కుండీ లోపల పెంకులు, ఇసుక మట్టి ఉంచితే కుండీలో పోసిన అధిక నీటిని పీల్చుకుంటుంది.

* కుండీ కింద మట్టి ప్లేటుంచితే అధికంగా పోసిన నీరు బయటకు వచ్చి అందులో చేరుతుంది.